आरजू र दुर्गाको नयाँ दिल्ली दौड, विदेश मन्त्रीसँग ‘मुलाकात’ को प्रचार
नेपाली काँग्रेसकी नेतृ तथा सभापति शेरबहादुर देउवा पत्नी डा. आरजू राणा नयाँ दिल्लीबाट फर्कनुएको छ । उहाँ हिजो बेलुकी नेपाल एअरलाइन्सको उडानमा पौने ७ बजे काठमाडौं आइपुग्नुभएको बताइएको छ ।
राणा बिहीबार दिउँसो सोही एअरलाइन्सको उडानमा काठमाडौंबाट त्यता जानुभएको थियो ।
राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईं पनि यतिखेर नयाँ दिल्लीमा छन् । उनी शुक्रबार झापाबाट पश्चिम बंगालको सिलगढी हुँदै विमानमा त्यता गएको बताइन्छ ।
महाअभियान स्रोतका अनुसार उनले आइतबार भारतीय विदेशमन्त्री एस जयशंकरसँग भेट गरेका छन् । राजतन्त्र र हिन्दुु राष्ट्र कायम गर्ने आफ्नो अभियान शिथिल हुँदै गएको सन्दर्भमा कार्यकर्तामा ऊर्जा भर्न आफूले विदेशमन्त्रीसँग भेट गरेको खबर नयाँ दिल्लीबाट प्रसाईं आफैंले गरेका हुन् । तर, भेटको तस्बिर सार्वजनिक गरिएको छैन ।
प्रसाईं आज नयाँ दिल्लीबाट सिलगढी हुँदै झापा फर्कंदै छन् । भोलि काठमाडौं आउने र पर्सि भक्तपुरस्थित निवासमा विशेष पत्रकार सम्मेलन गर्ने कार्यक्रम तय गरिएको छ ।
ट्रेन्डिङ पोस्ट
टिप्पणीहरू