मन्त्रीहरुको टोली सेनाको हेलिकोप्टरबाट सडक निरीक्षणमा

उपप्रधान एवम् भौतिक पूर्वाधार तथा यातायातमन्त्री रघुबीर महासेठ र रक्षामन्त्री हरिप्रसाद उप्रेती सडक आयोजनाको निरीक्षणमा निस्कनुभएको छ । उहाँहरु नेपाली सेनाको हेलिकोप्टर ९ एन आरएएम अगुस्ता हेलिकोप्टरमा बिहान काठमाडौंबाट संखुवासभा जानुभएको बताइएको छ ।

उहाँहरु कोशी करिडोरअन्तर्गत खाँदबारी किमाथाङ्का सडक आयोजनाको निरीक्षणका लागि जानुभएको हो । टोलीमा प्रतिनिधिसभा सदस्य राजेन्द्र गौतम, रक्षा सचिव किरणराज शर्मा, भौतिक पूर्वाधार मन्त्रालयका सचिव केशवकुमार शर्मा छन् । 

त्यसैगरी नेपाली सेनाका रथी अशोकराज सिग्देल, महासेनानी धमेन्द्रकुमार झा, सहसेनानी वागमान तामाङ र जमदार विजेन्द्र खड्गी पनि मन्त्रीहरुको टोलीमा सँगै छन् ।