गणतन्त्र दिवसमा विशेष कार्यक्रम

आज मुलुकभर १७ औँ गणतन्त्र दिवस मनाइँदै छ । सो अवसरमा राजधानीमा सैनिक मञ्च टुँडिखेलमा मूल समारोह समितिले विशेष कार्यक्रम आयोजना गरेको छ । 

राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल प्रचण्ड, प्रधानन्यायाधीश विश्वम्भरप्रसाद श्रेष्ठ, सभामुख देवराज घिमिरेलगायतको उपस्थिति रहेको विशेष समारोहमा विभिन्न झाँकी प्रस्तुत गरिएको छ । 

समारोहमा संवैधानिक निकायका प्रमुख, सरकारी उच्च अधिकारीहरु, सुरक्षा निकायका प्रमुखहरुको पनि उपस्थिति छ । आजदेखि तीन दिनसम्म गणतन्त्र दिवस मनाईंदै छ ।

तत्कालीन संविधानसभाको पहिलो बैठकले २०६५ जेठ १५ गते गणतन्त्र स्थापनाको घोषणा गरेको थियो ।