राजनीति बुझ्न ठूला नेताहरु कोलम्बिया प्रस्थान
प्रमुख राजनीतिक दलका प्रभावशाली नेताहरुको एउटा टोली आज बिहान कोलम्बिया प्रस्थान गरेको छ । नेपाली काँग्रेस,एमाले, माओवादी केन्द्रका नेताहरु टर्कीको राजधानी इस्तानबुल हुँदै कोलम्बिया गएका हुन् ।
टर्किस एअरलाइन्सको उडान नम्बर टीके ७२६ मा बिहान पौने ९ बजे काठमाडौंबाट उडेको टोलीमा माओवादी केन्द्रका उपमहासचिव जनार्दन शर्मा,नेपाली काँग्रेस संसदीय दलका प्रमुख सचेतक रमेश लेखक,एमाले स्थायी कमिटी सदस्य अग्निप्रसाद खरेल,वरिष्ठ अधिवक्ता खिमलाल देवकोटा र राष्ट्रिय मानवअधिकार आयोगका सदस्य डा. सूर्यप्रसाद शर्मा ढुंगेल रहेको बुझिएको छ ।
टोली कोलम्बियामा आयोजित ‘हाई लेभल डेलिगेसन फ्रम नेपाल टु स्पेसल जुरिस्डिक्सन फर पिस’ कार्यक्रममा सहभागी हुने छ ।
टर्किस एअरलाइन्सको उक्त उडानमा नेपालका लागि स्विट्जरल्याण्डका राजदूत डा. डानियल भेरोनिक मेउली मोन्टेलिओन पनि हुनुहुन्छ ।
ट्रेन्डिङ पोस्ट
टिप्पणीहरू