एमाले मुख्यालयमा माओवादी उपाध्यक्ष

नेकपा माओवादी केन्द्रका उपाध्यक्ष एवम् प्रतिनिधिसभाका पूर्व सभामुख अग्नी सापकोटाले एमाले केन्द्रीय कार्यालयको अवलोकन भ्रमण गर्नुभएको छ । उहाँ केहीबेर अघि ललितपुरको च्यासलस्थित तुलसीलाल स्मृति भवन पुग्नुभएको छ ।

एमाले उपमहासचिव विष्णु रिमालका अनुसार पहिले सल्लाह भएबमोजिम नै सापकोटा केन्द्रीय कार्यालय सञ्चालन र व्यवस्थापनबारे जानकारी लिन जानुभएको हो । सापकोटाको जिज्ञासा मेटाउन एमाले नेताहरुले उहाँलाई पार्टी कार्यालयका सबै कोठा र कामबारे अवगत गराएका थिए । 

रिमालले सामाजिक सञ्जालमा लेखेका छन्, ‘हामीले उहाँलाई सबै चोटा–कोठा देखाउँदै जानकारी गरायौं । अन्त्यमा उहाँले एमालेको एक्सन रुम, एप्स, प्रचार व्यवस्थापनबारे जिज्ञासा राख्नुभयो, हामीले सकेसम्म सबै चिज बतायौं ।’ सापकोटाको एमाले मुख्यालय भ्रमणबारे रिमालको निचोड छ, ‘उहाँले राम्रो मान्नुभयो । हामीले उहाँलाई  धन्यवाद भन्यौं !’