विदेशको राजनीति बुझ्न गएका नेताहरुको स्वदेश आगमन

कोलम्बिया गएका नेताहरुको एउटा टोली आज बिहाद स्वदेश फर्केको छ । टोली टर्किस एअरलाइन्सको उडान नम्बर टीके ७२६ मा इस्तानबुल हुँदै बिहान साढे ६ बजे काठमाडौं आइपुगेको छ ।

माओवादी केन्द्रका उपमहासचिव जनार्दन शर्मा,नेपाली काँग्रेस संसदीय दलका प्रमुख सचेतक रमेश लेखक,एमाले स्थायी कमिटी सदस्य अग्निप्रसाद खरेल, वरिष्ठ अधिवक्ता खिमलाल देवकोटा र राष्ट्रिय मानवअधिकार आयोगका सदस्य डा. सूर्यप्रसाद शर्मा ढुंगेल रहेको टोली आज फर्केको हो । नेताहरु कोलम्बियामा आयोजित ‘हाई लेभल डेलिगेसन फ्रम नेपाल टु स्पेसल जुरिस्डिक्सन फर पिस’ कार्यक्रममा सहभागी भएको बताइएको छ ।

सोही उडानबाट जनमत पार्टीका अध्यक्ष डा. चन्द्रकान्त राउत अमेरिकाबाट फर्केका हुन् । उनी अमेरिकामा रहेका तराई मधेशबासीको वाशिंगटन डिसीमा आयोजित सम्मेलनमा भाग लिएपछि लस एन्जलस घुमेर आएका हुन् ।

आजै माओवादी केन्द्रकी उपाध्यक्ष पम्फा भुसाल कुवेतबाट फर्केकी छन् । उनी जजिरा एअरको उडान नम्बर जे ९५३९ बाट राति साढे १ बजे काठमाडौं आइपुगेकी हुन् ।