प्रधानमन्त्री भरतपुरको पुरानो मेडिकल कलेजमा

प्रधानमन्त्री पुष्पकमल दाहाल ‘प्रचण्ड’ले  चितवनको भरतपुरस्थित कलेज अफ मेडिकल साइन्सेस शिक्षण अस्पताल (पुरानो मेडिकल कलेज) भरतपुरबाट प्रवाह हुँदै आएको स्वास्थ्य सेवाबारे जानकारी लिनुभएको छ । 

सो अवसरमा उहाँले मेडिकल कलेजमा उपचाररत पूर्वमन्त्री घनश्याम दाहाल एवम् अन्य बिरामीको स्वास्थ्य अवस्थाबारे जानकारी लिनुभएको बताइएको छ । अस्पतालमा कार्यरत स्वास्थकर्मीसँग अन्तरक्रिया गर्नुका साथै त्यहाँबाट प्रवाह हुँदै आएको सेवाबारे प्रधानमन्त्रीले जानकारी लिनुभएको छ ।

अस्पतालबाट दैनिक एक हजारभन्दा बढी बिरामीले ओपिडी सेवा लिँदै आएको अस्पतालले जनाएको छ । प्रधानमन्त्री प्रचण्ड आजै अपरान्ह चितवन पुग्नुभएको हो ।