सरकार नछाड्न रविलाई प्रधानमन्त्रीको आग्रह

प्रधानमन्त्री पुष्पकमल दाहाल प्रचण्डसँग भेट गर्न राष्ट्रिय स्वतन्त्र पार्टीका सभापति तथा उपप्रधान एवम् गृहमन्त्री रवि लामिछाने नेतृत्वको समूह बालुवाटार पुगेको छ । 

एमालेले सरकारलाई दिएको समर्थन फिर्ता लिँदै आफ्ना सबै मन्त्रीलाई हिजो राति संयुक्त राजीनामा दिन लगाएपछि रास्वपाले पनि आज राजीनामा दिने बताइएको थियो । तर,बिहान बालुवाटारमा भएको कुराकानीमा प्रधानमन्त्रीले उक्त दलका मन्त्रीहरुलाई तत्काल राजीनामा नदिन अनुरोध गर्नुभएको बुझिएको छ ।

प्रधानमन्त्रीले संसदको सामना गर्ने र संसदमै आफ्ना कुरा राख्ने बताउँदै त्यतिञ्जेल सरकार नछाड्न रविलाई आग्रह गर्नुभएको छ । छलफलमा रास्वपाका तर्फबाट लामिछानेलगायत उपसभापति स्वर्णिम वाग्ले,मन्त्री डिपी अर्याल, प्रमुख सचेतक सन्तोष परियारलगायत सहभागी छन् । सर्वोच्चले आज फैसला सुनाउने स्थितिका कारण रवि लामिछाने त्यस अघि नै पद छाड्ने बाध्यतामा छन् ।