कोशीका अध्यक्षसँगै एमालेका वरिष्ठ उपाध्यक्ष कतारतिर
नेकपा (एमाले)का वरिष्ठ उपाध्यक्ष इश्वर पोखरेल कतार गएका छन् । उनी पाँच दिने भ्रमणको लागि आज बिहान त्यसतर्फ प्रस्थान गरेका हुन् ।
ईश्वरले पर्सि शुक्रबार एमालेको भातृ संगठन प्रवासी नेपाली मञ्चको सातौँ राष्ट्रिय अधिवेशनलाई सम्बोधन गर्ने कार्यक्रम छ । यसबाहेक उनले कतारका विभिन्न स्थानको अवलोकन भ्रमण गर्ने छन् ।
भ्रमण टोलीमा एमाले कोशी प्रदेशका अध्यक्ष घनश्याम खतिवडा पनि सहभागी छन् । केन्द्रीय सदस्य उमाशंकर अरगरिया पहिल्यै कतार पुगिसकेको बताइएको छ ।
टिप्पणीहरू