मध्यरात रविको लाइभ,दुई चार दिन नसमातिने साइत

सहकारीको रकम अपचलन मुद्दामा पक्राउ परिने आशंकासहित रास्वपा सभापति रवि लामिछानेले फेसबुक लाइभमा भाषण गरेका छन् । पार्टी कार्यालय बनस्थलीमा राति साढे ९ बजे लाइभ भाषणको प्रारम्भ ‘आफू नभागेको,नडराएको’ भन्दै गरेका हुन् । 

पूर्वगृहमन्त्रीसमेत रहेका रविले आफूमाथि राजनीतिक प्रतिशोध साँध्न खोजिएको आरोप लगाएका छन् । अरुको राजनीति जोगाउन आफूमाथि राजनीतिक प्रतिशोध लिइएको उनको दाबी छ । 

उनले नेपाली काँग्रेस र एमालेप्रति लक्षित गर्दै भने, ‘चुनाव लडेर जित्नुस् । यस्तो षड्यन्त्र गरेर होइन ।’ उनले कार्यकर्तालाई सत्यको पक्षमा उभिन आग्रह गरेका छन् । 

यसअघि पटक पटक सहकारीको रकम दुरुपयोग नगरेको बताउँदै आएका उनले अप्ठेरो प्रश्नमा सँधै आफूलाई थाहा नभएको जवाफ दिने गरेका थिए ।

गोर्खा मिडिया नेटवर्कमा साझेदारसहित हर्ताकर्ता भएका उनले जिबी राई र छवि जोशीसँग मिलेर ६५ करोड बढी रकममा रजगज गरेको प्रमाण हालैको संसदीय छानबिन समितिले तयार पारेको र उनकै माननीय शिशिर खनालले हस्ताक्षर गरेको प्रतिवेदनमा उल्लेख छ ।