केशरमहल–सञ्चयकोष सडक बन्द

केशरमहल–सञ्चयकोष हुँदै ठमेल निस्कने सडक बन्द गरिएको छ । विद्युतीय तार अण्डरग्राउण्ड गर्ने काम भइरहेकाले उक्त सडक बन्द गरिएको काठमाडौं उपत्यका ट्राफिक प्रहरी कार्यालयले जानकारी गराएको छ ।

कार्यालयका अनुसार अहिले काम भइरहेकाले केशरमहल चोकबाट सञ्चयकोष हुँदै ठमेल निस्कने सडकमा सवारीसाधनलाई प्रवेशमा रोक लगाइएको छ । उक्त सडकको विकल्पमा केशरमहल, लैनचौर, अस्कल क्याम्पस मोड हुँदै ठमेलतर्फ जान सकिने कार्यालयले जनाएको छ ।