थोरै कुरा सोधेकोमा रविका उपसभापति दुःखी

रास्वपा उपसभापति डिपी अर्यालले सभापति तथा पूर्व गृहमन्त्री रवि लामिछानेलाई लामो समय प्रहरी हिरासतमा राखेर थोरै समय बयान लिइएकोमा दुःख व्यक्त गरेका छन् । उनले ‘न्यायपालिकाप्रति आशा छ, भरोसाचाहिं जनताकै हो’ भन्ने शीर्षकमा सामाजिक सञ्जालमा स्टाटस लेख्दै उक्त धारणा राखेका हुन् । 

आज पुनः म्याद थपका लागि रविलाई जिल्ला अदालत,कास्कीमा पेश गर्नु अघिल्लो दिन उनले थोरै समय बयान लिइएकोमा रोष प्रकट गरेका छन् । १२५ घण्टा हिरासतमा राखेर जम्मा पाँच घण्टा बयान लिइएको अर्यालको दाबी छ ।

लेखिएको छ, ‘धरपकडको शैली प्रतिशोधपूर्ण छ । न त भाग्ने,न प्रमाण नष्ट गर्ने सम्भावना । शुक्रवारदेखि पूरा १२५ घण्टा (६ रात) हिरासतमा राखेर जम्मा पाँच घण्टा पनि वयान लिइएको छैन । मगाइएका कागज आइपुगेन भन्दै जबर्जस्ती अनुसन्धान लम्ब्याउने रणनीतिमा सरकार छ । राजनीतिक प्रतिशोध साँधिएको हाम्रो दावी पुष्टि भएको छ ।’

बालकृष्ण खाँडलाई कति दिन राखेको थियो ? सरकार काँग्रेसको थियो थाहा छ नि ? टोपबहादुर रायमाझी अहिले कहाँ छन्, थाहा छ नि ? दुबै उपप्रधानमन्त्री हुन्,तिम्रो ठग लामिछाने जस्तै अनि तिम्रो सहकारी ठग को हो,भौमान हो ? कानुनभन्दा माथि हो ? कति जनतालाई उल्लु बनाउन सकेको ! खुरुक्क छानबिन हुन देऊ । २० जना सांसद पोखरामा हल्लिएर बसेका छौ । लाज पनि लजायो अब त !’

अर्याललाई जवाफ दिँदै धेरैले कमेन्ट लेखेका छन् । तीमध्येका एक जना बाबुराम खड्काले छ दिनमा पीडा हुनेले वर्षौैंदेखि थलिएका सहकारी पीडितहरुको दर्दनाक अवस्था र पीडा नबुझेको उल्लेख गरेका छन् । खड्का लेख्छन्, ‘तिमीहरूलाई ६ दिनमा यत्रो पीडा हुंँदो रहेछ । वर्षौदेखि थलिएका ती सहकारी पीडितहरूको कस्तो दर्दनाक अवस्था र पीडा होला ? हावाका तालमा सांसद भएका हौ भन्ने कुरा पनि तिमीहरूको यो न्यायालयप्रति गरिएको दुर्व्यवहारले पुष्टि गर्दैन र ?’

अर्याललाई मुखभरीको जवाफ दिँदै प्रज्ञान न्यौपानेले यसअघि हिरासतमा राखिएकाहरुलाई हेर्न सुझाएका छन् । न्यौपानेको जवाफ छ, ‘हेल्लो डिपीजी,बालकृष्ण खाँडलाई कति दिन राखेको थियो ? सरकार काँग्रेसको थियो थाहा छ नि ? टोपबहादुर रायमाझी अहिले कहाँ छन्, थाहा छ नि ? दुबै उपप्रधानमन्त्री हुन तिम्रो ठग लामिछाने जस्तै अनि तिम्रो सहकारी ठग को हो भौमान हो ? कानुनभन्दा माथि हो ? कति जनतालाई उल्लु बनाउन सकेको ! खुरुक्क छानबिन हुन देऊ । २० जना सांसद पोखरामा हल्लिएर बसेका छौ । लाज पनि लजायो अब त !’