ह्वाइट हाउसमा ट्रम्पको पुनरागमन निश्चित
अमेरिकाको राष्ट्रपतिमा डोनाल्ड ट्रम्प जितको नजिक पुगेका छन् । रिपब्लिकन उम्मेदवार तथा भूतपूर्व राष्ट्रपति ट्रम्पको जित सुनिश्चित भएको फक्स न्यूजले घोषणा गरेको छ ।
तर, मत परिणामको आधिकारिक घोषणा भने भएको छैन । पछिल्लो परिणामअनुसार ट्रम्पले २६६ इलेक्टोरल मत प्राप्त गरेका छन् । जितका लागि आवश्यक २७० भोटबाट केही टाढा उनलाई अब थप चार मत चाहिन्छ ।
राष्ट्रपति चयनमा निर्णायक मानिएका स्विङ स्टेट नर्थ क्यारलाइना र जोर्जामा जित हात पारेका ट्रम्पले पेन्सिल्भेनियामा पनि जित्ने प्रक्षेपण गरिएको छ । योसंगै उनको ह्वाइटहाउस पुनरागमन लगभग निश्चित भएको हो ।
यसबीच ट्रम्पले चुनावी सभालाई सम्बोधन गर्दै आफू राष्ट्रपति निर्वाचित भएको दाबी गरेका छन् । आधिकारिक घोषणा अगावै उनले आफ्नो विजय अमेरिकाका लागि शानदार जित भएको बताए ।
टिप्पणीहरू