भीषण आगलागीपछि ठेकेदार पक्राउ, २७९ जनाको अवस्था अज्ञात

हङकङको ताई पो जिल्लामा रहेको वाङ फुक कोर्ट हाउजिङ कम्प्लेक्समा भएको आगलागीमा ४४ जनाको मृत्यु भएको छ । प्रहरी र सरकारी अधिकारीहरुले २७९ जनाको अवस्था अज्ञात रहेको जनाएका छन् । 

हिजो बिहान पौने ३ बजे सुरु भएको आगलागी भीषण भएपछि स्थानीय सरकारले ‘लेभल–फाइभ अलार्म’ घोषणा गरेको थियो । हङकङमा यो तहको आगलागीलाई सबैभन्दा गम्भीर श्रेणीको मानिन्छ। 

घटनामा घाइते ४५ जना गम्भीर घाइतेहरूको उपचार भइरहेको छ। प्रहरीले निर्माण कम्पनीका ठेकेदार तथा जिम्मेवार अधिकारीहरुलाई नियन्त्रणमा लिएको छ । आठ सयभन्दा बढी अग्नी नियन्त्रकहरुले १८ घण्टामा आगो नियन्त्रणमा लिएका थिए ।

सम्भवतः चुरोटको ठुटोबाट आगो सल्किएको हुनसक्ने अनुमान धेरैको छ । आगलागी भएको भवनबाट एउटा शिशुु र वृद्ध महिलाको उद्धार गरिएको थियो ।