मानव तस्करीको आरोपमा समातिएका एमाले नेतालाई जहाजमा काठमाडौँ ल्याइँदै
मानव तस्करीको आरोपमा विराटनगरबाट पक्राउ परेका कोशी प्रदेशका निवर्तमान आन्तरिक मामिला तथा कानुनमन्त्री तथा एमाले सांसद लीलाबल्लभ अधिकारीलाई काठमाडौँ ल्याउन लागिएको छ ।
आज बिहान निवाशबाटै समातिएका उनलाई अनुसन्धानका लागि काठमाडौँ ल्याउन लागिएको हो । अधिकारीलाई हवाई मार्ग हुँदै काठमाडौँ ल्याउन प्रहरीले केही बेरअघि विराटनगर विमानस्थल पुर्याएको बताइएको छ ।
मन्त्रालयको नक्कली परिचयपत्र बनाई युवाहरुलाई जापान पुर्याएको अधिकारीमाथि आरोप छ । उनीसंगै जापानबाट डिपोट भएका युवालाई त्रिभुवन अन्तर्राष्ट्रिय विमानस्थलबाटै पक्राउ गरेर प्रहरीले अनुसन्धान गरिरहेको छ । तर, अधिकारीलाई भने राजनीतिक पहुँचका आधारमा उन्मुक्ति दिइएको भन्दै चर्को आलोचना भएपछि प्रहरीले अन्तत: पक्राउ गरेको हो ।
आरोपलगत्तै मन्त्री पदबाट राजीनामा दिएका उनलाई एमालेले पार्टीको सबै जिम्मेवारीबाट निलम्बन गरिसकेको छ ।
ट्रेन्डिङ पोस्ट
टिप्पणीहरू