आज उम्मेदवारको नामावली फाइनल गरिँदै

मंसिर १६ गते हुने उपनिर्वाचनका लागि मनोनयन दर्ता गराएका उम्मेदवारहरूको आज अन्तिम नामावली प्रकाशन गरिँदैछ । 

निर्वाचन आयोगले अपराह्न उम्मेदवारको नामावली प्रकाशन गर्न लागेको हो । निर्वाचन कार्यक्रमअनुसार त्यसअघि उम्मेदवारी फिर्ताको समय दिइएको छ । 

आजै दिउँसो ३ बजेदेखि ५ बजेसम्म उम्मेदवारलाई चुनाव चिन्हसमेत प्रदान गरिनेछ । मंसिर १६ बिहान ७ बजेदेखि साँझ ५ बजेसम्म मतदान हुनेछ ।

स्तानीय तहका रिक्त ४४ पदका लागि  ४१० जनाले मंसिर २ गते उम्मेदवारी दर्ता गरेका छन् । हिजो उम्मेदवारविरुद्ध परेका उजुरीउपर निर्वाचन आयोगले जाँचबुझ गरेको थियो ।