प्रचण्डकी नातिनीको बिहे तीनतारेमा

माओवादी केन्द्रका अध्यक्ष तथा भूतपूर्व प्रधानमन्त्री पुष्पकमल दाहाल ‘प्रचण्ड’की अर्की नातिनी स्मिता दाहालको विवाह हुँदै छ । मंसिर २१ गते प्रेमी सायुज्य श्रेष्ठसँग लगनगाँठो कस्न लागेकी र गायिकासमेत रहेकी उनले केही दिनअघि समाजिक सञ्जालमार्फत् प्रेमीलाई सार्वजनिक गरेकी हुन् ।

नयाँ यात्रा शुभारम्भ गर्न लागेको जानकारी दिँदै लेखेकी छन्, ‘बेञ्चहरुमा आँखा जुधेर मीठो मुस्कानबाट शुरु भएको हाम्रो यात्रालाई रातभरका लामो कुराकानीले झनै प्रगाढ बनाउँदै लग्यो’, उनले भनेकी छन्, ‘तिमी मेरो साथी थियौ, त्यसपछि मेरो माया भयौ र अहिले मेरो जीवनको सहयात्री ।’

उनीहरुबीच पहिल्यै इन्जेगमेन्ट भइसकेको बताइन्छ । ‘तिमीले मेरो औँलामा औँठी लगाउँदै गर्दा जुन प्रतिज्ञा गर्यौ, त्यसको लागि म संसारकै भाग्यमानी हुँ’, उनले थपेकी छन् । सायुज्य पेशाले उद्यमी रहेको पारिवारिक स्रोतले बतायो ।

‘बेञ्चहरुमा आँखा जुधेर मीठो मुस्कानबाट शुरु भएको हाम्रो यात्रालाई रातभरका लामो कुराकानीले झनै प्रगाढ बनाउँदै लग्यो’, उनले भनेकी छन्, ‘तिमी मेरो साथी थियौ, त्यसपछि मेरो माया भयौ र अहिले मेरो जीवनको सहयात्री ।’

उनीहरुको विवाहका लागि गोकर्णेश्वरस्थित तीन तारे ग्राण्ड नर्लिङ होटल एण्ड रिसोर्ट बुक गरिएको छ । गत वर्ष मंसिरमा अर्की नातिनी प्रतिभा पाठकको बिहे नजिकैको पाँचतारे गोकर्ण रिसोर्टमा भव्यताका साथ गरिएको थियो । प्रतिभा प्रचण्डपुत्री तथा भरतपुर महानगरपालिकाकी मेयर रेणु दाहालकी छोरी हुन् ।

प्रधानमन्त्रीकी नातिनीको विवाह भएकाले उक्त समारोहमा राष्ट्रपति रामचन्द्र पौडेल,उपराष्ट्रपति रामसहायप्रसाद यादव,नेपाली कांग्रेसका सभापति शेरबहादुर देउवा, सरकारका अधिकांश मन्त्रीहरु, संवैधानिक निकाय प्रमुखहरुसहित सिंगो माओवादी पंक्ति खटिएको थियो । 

त्यतिबेला निमन्त्रणा कार्डदेखि मण्डपको सजावटमा भड्किलो खर्च गरेको भन्दै आलोचना भएको थियो । अहिले विवाह हुन लागेकी स्मिता प्रचण्डकी कान्छीपुत्री गंगाकी छोरी हुन् ।