रित्तो गाग्री बाहिरै छोडेर प्रधानमन्त्री कार्यालय पुगेका हर्क साम्पाङ 'रित्तै' फिर्ता

प्रधानमन्त्री केपी शर्मा ओलीले धरान उपमहानगरपालिकाका मेयर हर्कराज सम्पाङ राईलाई भेट्न अस्वीकार गरेका छन् । 

आज दिउँसो प्रधानमन्त्री कार्यालय पुगेका हर्कलाई ओलीको सचिवालय भेट्न समय नदिएको बताइएको छ । रित्तो गाग्री लिएर आन्दोलनका लागि काठमाडौँ आएका उनले बिहान खानेपानीमन्त्री प्रदीप यादवसँग भेटघाट गरेका थिए । 

बताइएअनुसार प्रधानमन्त्रीको सचिवालयले प्रधानमन्त्री दिनभर पूर्वनिर्धारित कार्यक्रममा व्यस्त रहेकाले पाँच बजेपछिको समय दिएको थियो । तर, त्यसमा असहमत हुँदै मेयर हर्क त्यसै फर्किएका हुन् । 

थोत्रो रित्तो गाग्रीसहित सिंहदरबार छिरेर अराजक व्यवहार देखाएको प्रधानमन्त्री ओलीको बुझाई रहेको र सोही कारण भेट्न समय नदिएको हुनसक्ने सचिवालयका एक कर्मचारीले जानकारी दिए । 

साताअघि खानेपानी आन्दोलनको घोषणा गरेका र संघीय सरकारको ध्यानाकर्षण गराउने भन्दै हिजो काठमाडौँ आएका हर्क आज धरान फर्किसकेका छन् ।