शहीद परिवारसँग प्रचण्डको लन्च
पूर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले बाँकेका शहीद परिवारसँग भेटघाट गर्नुभएको छ ।
नेपालगञ्ज व्यापार महोत्सव उद्धघाटनका लागि त्यता पुगेका बेला उहाँले जनयुद्धका शहीद परिवारसँग भेट गर्नुभएको हो । त्यसक्रममा अध्यक्ष प्रचण्डले खजुरा गाउँपालिका-३ धवलागिरीस्थित शहीद डम्बर रानाभाटको परिवारका सदस्यसँगै बसेर खानासमेत खानुभयो ।
बिहान सुर्खेत जानुभएका प्रचण्डले बर्दियाको बबई पुल आसपासको मध्यवर्ती क्षेत्रका जनतासँग पनि भेटघाट गर्नुभएको थियो । त्यसपछि पार्टीले आयोजना गरेको जनसभालाई सम्बोधन गर्न बाँके पुग्नुभएका उहाँलाई स्थानीयले भव्य स्वागत गरे ।
आजै उहाँले महोत्सव उद्घाटन गर्ने कार्यक्रम रहेको उहाँको सचिवालयले जानकारी दिएको छ । सरकारबाट बाहिरिएपछि संगठन निर्माणमा जुट्नुभएका प्रचण्ड देश दौडाहामा हुनुहुन्छ ।
मोरङबात गोर्खा, चितवन हुँदै केही दिनअघि काठमाडौँ फर्किनुभएका उहाँ लगत्तै पश्चिम जानुभएको हो ।
ट्रेन्डिङ पोस्ट
टिप्पणीहरू