मिनी ट्रक दुर्घटनामा १९ वटा खसीबोका बिते, चितवनमै २५ यात्रु घाइते

चितवनमा आज बिहान भएको मिनी ट्रक दुर्घटनामा १९ वटा च्यापिएर खसी बोका मरेका छन् । इच्छाकामना गाउँपालिका–४ लेवाटार भे.१ ख २३६२ नम्बरको मिनी ट्रक पल्टिँदा खसी बोका च्यापिएका हुन् ।

बर्दियाबाट काठमाडौं जाँदै गरेको मिनी ट्रकमा १४३ वटा खसी र बोका थिए ।  प्रहरीका अनुसारको दुर्घटनाको अनुसन्धान भइरहेको छ । 

आजै बिहान नारायणगढ मुग्लिन सडकको सेतीदोभानमा यात्रुबाहक बस दुर्घटनामा परेको छ । दुर्घटनाका २५ जना घाइतेको चितवन मेडिकल कलेजमा उपचार भइरहेको छ । तीमध्ये दुई जनाको अवस्था गम्भीर छ ।