हिमालय एअरलाइन्सको ल्हासा–पोखरा नियमित उडान प्रारम्भ

पोखरा अन्तर्राष्ट्रिय विमानस्थलबाट भोलिदेखि चीनको ल्हासामा नियमित उडान हुँदै छ । आज ल्हासाबाट पोखराको लागि उडान थालनी गरिएको छ ।

हिमालय एअरलाइन्सको नियमित उडानका लागि उक्त विमानलाई आज पोखरामा राखिएको छ । भोलि बिहान ल्हासा उडान हुने तालिका छ । ल्हासाबाट भोलि दिउँसो विमान काठमाडौंमा अवतरण गर्ने बताइएको छ ।

उक्त विमान बिहान काठमाडौंबाट नियमित उडानमा ल्हासा गएको थियो । उताबाट आएका यात्रुलाई पोखरामा आज भव्य स्वागत गरिएको छ । नेपालका लागि चिनियाँ राजदूत छन सोङ, गण्डकी प्रदेशका मुख्यमन्त्री सुरेन्द्र पाण्डे, पोखरा महानगरपालिकाका मेयर धनराज आचार्यलगायत उच्चपदस्थ अधिकारीहरुको स्वागत कार्यक्रममा उपस्थिति थियो । 

पोखरा–ल्हासा उडान सातामा एक दिन मंगलबार हुने छ । यात्रुको चापलाई ध्यानमा राखेर पछि उडान थप्न सकिने एअरलाइन्सले जनाएको छ । 

यसअघि सिचुआन एयरलाइन्सले पोखराबाट सिचुआन प्रान्तको छन्तु शहरमा नियमित चार्टर उडान थालेको थियोे ।

तस्बिरहरुः

​​​​​​​