चन्द्रागिरिको कपडा गोदाम खरानी

काठमाडौंको चन्द्रागिरिस्थित एउटा कपडा गोदाममा लागेको आगो दुई घण्टापछि नियन्त्रणमा आएको छ । प्रहरीका अनुसार आगोका कारण सतुंगलस्थित कपडा गोदाम खरानीमा परिणत भएको छ ।

आगो निभाउन छ वटा दमकल, १५ वटा पानी ट्यांकरसहित नेपाली सेना, सशस्त्र प्रहरी बल, नेपाल प्रहरी र स्थानीय खटिएका थिए । स्थानीय आर.आर. कम्प्लेक्समा रहेको गोदाममा बिहान ५ बजेको समयमा आगो लागेको थियो । प्रहरीले क्षतिको विवरण संकलन भइरहेको जनाएको छ ।

हिजो बिहान राजधानीको मखनस्थित एउटा घरमा लागेको आगोमा एक जना महिलाको ज्यान गएको थियो । आगलागीबाट दुई घर पूर्णरुपमा नष्ट भएको छ ।