बोलेपछि गृहमन्त्रीले राजीनामा दिनुपर्ने विपक्षीहरुको माग

भिजिट भिसा प्रकरणमा मुछिएका गृहमन्त्री रमेश लेखकलाई संसदमा बोल्न दिन विपक्षी दलहरु तयार भएका छन् । सभामुख देवराज घिमिरेसँगको छलफलपछि उनीहरु गृहमन्त्रीलाई संसदमा आफ्नो कुरा राख्न दिन सहमत भएका हुन् ।

गृहमन्त्रीले राजीनामा दिनुपर्ने र उच्चस्तरीय छानबिन समिति बनाउनुपर्ने उनीहरुको अडान भने कायम छ । 

बिहान ११ बजे डाकिएको बैठक दिउँसो २ बजे स्थगित  गरेर भोलिलाई सारिएको  छ । आजको बैठकमा प्रधानमन्त्री केपी शर्मा ओली भने अनुपस्थित हुनुहुनेछ । उहाँ म्याग्दीको अन्नपूर्ण गाउँपलिका पुग्नुभएको छ । 

अन्नपूर्ण हिमाल आरोहण शुभारम्भ भएको ७५औँ वर्षको अवसरमा आज त्यहाँ गाउँपालिकाले विशेष कार्यक्रम राखेको छ । सोही कार्यक्रमलाई सम्बोधन गर्न प्रधानमन्त्री ओली नेपाली सेनाको हेलिकोप्टरमा बिहान ९ बजे बालुवाटारबाट सोझै  त्यता जानुभएको हो ।