स्वर्गीय प्रधानमन्त्री चाउको स्मृति संग्रहालयमा हाम्रा प्रधानमन्त्री
प्रधानमन्त्री केपी शर्मा ओलीले थिएन्चिनस्थित पूर्व प्रधानमन्त्री स्वर्गीय चाउ एन्लाई तथा उहाँकी जीवन सङ्गिनी तङ यिङ्चाओ स्मृति संग्रहालयको निरीक्षण गर्नुभएको छ ।
स्वर्गीय प्रधानमन्त्री चाउ जनगणतन्त्र चीनको पहिलो प्रधानमन्त्री हुनुहुन्छ । उहाँ सन् १९५४ को सेप्टेम्बरदेखि सन् १९७६ मा निधन हुनुअघिसम्म प्रधानमन्त्री हुनुहुन्थ्यो ।
सन् १९५७ मा तत्कालीन राजा महेन्द्रको निम्तोमा उहाँले नेपालको पहिलो राजकीय भ्रमण गर्नुभएको थियो । त्यतिबेला प्रधानमन्त्री टंकप्रसाद आचार्य हुनुहुन्थ्यो । त्यसपछि सन् १९६६ मा पनि पनि नेपाल भ्रमण गर्नुभयो । नेपाल र जनगणतन्त्र चीनबीचको सम्बन्ध प्रगाढ सोही समयदेखि भएको हो ।
प्रधानमन्त्री ओलीले संग्रहालय निरीक्षणअघि आज बिहान धान उत्पादन विशेष क्षेत्रको निरीक्षण गर्नुभएको थियो । उहाँ जिनान जिल्लाको सिआओझानस्थित धान उत्पादन विशेष क्षेत्रको भ्रमणमा जानुभयो ।
तस्बिरहरुः
ट्रेन्डिङ पोस्ट
टिप्पणीहरू