झापामा डुबेर,इलाममा लडेर प्राणान्त

सानो काजली खोलामा डुबेर एकजनाको मृत्यु भएको छ ।

झापाको हल्दिवारी गाउँपालिका–४ का ३३ वर्षीय रामबहादुर थारू चौधरीको सानो काजली खोलामा डुबेर शुक्रबार बिहान मृत्यु भएको प्रहरीले जनाएको छ । घटनाबारे प्रहरीले आवश्यक अनुसन्धान गरिरहेको छ ।

त्यसैगरी घाँस झार्ने क्रममा रुखबाट लड्दा एक जनाको मृत्यु भएको छ । इलामको इलाम नगरपालिका–५ ओख्रेका ३२ वर्षीय मिलन अधिकारीको रुखबाट लडेर मृत्यु भएको हो ।

बारीमा रहेको खनिउँको घाँस झार्ने क्रममा लडेका उनको शुक्रबार बिहान घटनास्थलमै मृत्यु भएको प्रहरीले बताएको छ ।