कोरोनाबाट आज १ सय ४५ जनाको मृत्य, ७ हजार ३ सय ६८ जना नयाँ संक्रमित
कोरोना संक्रमणबाट पछिल्लो २४ घण्टामा १ सय ४५ जनाको ज्यान गएको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार उक्त अवधिमा ७ हजार ३ सय ६८ जनामा संक्रमण पुष्टि भएको छ ।
पछिल्लो २४ घण्टामा गरिएको १९ हजार ५ सय ३९ पीसीआर तथा ३ सय ४४ एन्टिजेन गरी १९ हजार ८ सय ८३ जनामा परीक्षण गरिएको थियो ।
आज नेपालमा ६ हजार ६ सय ४८ जना संक्रमणमुक्त भएका छन् । त्यसैगरी आज काठमाण्डौमा १ हजार ८ सय ८१, ललितपुरमा ४ सय ३६ तथा भक्तपुरमा २ सय ९२ जना गरी उपत्यकामा २ हजार ६ सय ९ जना नयाँ संक्रमित थपिएका छन् ।
सोमबारदेखि आजसम्म ७६ हजार ९ सय ३२ पिसिआर परीक्षण भएकोमा २५ हजार ४ सय ४८ जनामा संक्रमण पुष्टि भएको पनि गौतमले बताउनुभयो ।
उहाँले उक्त समयमा २३ हजार २ सय ९३ जना डिस्चार्ज भएको र आज १ लाख १० हजार २ सय ६३ जना सक्रिय संक्रमित रहेको बताउनुभयो ।
तीमध्ये होम आइसोलेसनमा १ लाख २ हजार ४ सय ५५ तथा ७ हजार ८ सय ८ जना संस्थागत आइसोलेसनमा छन् ।
टिप्पणीहरू