आज कोरोनाबाट १ सय ६९ जना बिते, ८ हजार ३ सय बढि संक्रमित

कोरोना संक्रमणबाट आज मुलुकभर १ सय ६९ जनाको ज्यान गएको छ । स्वास्थ्य तथा जनसंख्या मन्त्रालयका अनुसार आज ८ हजार ६ सय ३६ जनामा संक्रमण पुष्टि भएको छ ।

आज २२ हजार ३ सय ६ जनामा पीसीआर तथा ६ सय ३० जनामा एन्टिजेन परीक्षण गरिएको थियो । तीमध्ये ८ हजार ३ सय ८७ जनामा पीसीआर तथा २ सय ४९ जनामा एन्टिजेन पोजेटिभ फेला परेको हो ।

आज ६ हजार ४ सय ४ जना कोरोना संक्रमणमुक्त भएका छन् । आज मुलुकभर ९ सय १४ जना क्वारेन्टिनमा रहेका छन् । सक्रिय संक्रमितको संख्या १ लाख २३ हजार ९ सय ६१ रहेको छ ।

नेपालमा हालसम्म कोरोनाबाट निधन भएकाको संख्या ६ हजार ७ सय पुगेको छ ।