रक्सीले मातेर आगो झोस्दा घरै खरानी
रोल्पामा एकजनाले रक्सी पिएर आफ्नै घरमा आगो लगाएका छन् । आगलागीबाट दुई लाख बराबरको धनमाल जलेर नष्ट भएको प्रहरीले बताएको छ ।
त्रिवेणी गाउँपालिका–३ रानागाउँका २४ वर्षीय आकाश रानाले रक्सी पिएर आज दिउँसो घरमा आगो लगाएका थिए ।
घरमा आगो लागेको भन्ने खबर पाएपछि अस्थाई प्रहरी पोष्ट बूढागाउँबाट खटिएको प्रहरी टोलीले स्थानीयको सहयोगमा आगलागी नियन्त्रणमा लिएको थियो ।
रानालाई नियन्त्रणमा लिई थप अनुसन्धान गरिरहेको प्रहरीले जनाएको छ ।
ट्रेन्डिङ पोस्ट
टिप्पणीहरू