नक्कली प्रहरी सक्कलीकाे फन्दामा

प्रहरीको नाममा रकम असुली गर्ने एक नक्कली प्रहरीलाई सक्कली रौतहट प्रहरीले पक्राउ गरेको छ ।

सक्कलीकाे फन्दामा परेका नक्कली प्रहरी गौर नगरपालिका वडा नम्बर २ महादेवपट्टीका ३० वर्षीय सुशील पटेल हुन । उनलेे टोलवासीसँग बाेर्डर पारीबाट उपभाेग्य सामान वारि ल्याउँदा नक्कली प्रहरी बनेर रकम असुल्ने गरेका थिए ।

निषेधाज्ञाकाे अवधिमा सिमा पारि गरिदिने प्रलोभन दिदै रकम असुली गरेको सुचनाको आधारमा उनलाई पक्राउ गरिएको जिल्ला प्रहरी कार्यालयले जनाएको छ । नेपाल भारत खुल्ला सिमा भएकोले निशेधाज्ञाको अवस्थामा नेपाली नागरिकहरु दैनिक उपभोग्यको सामग्री भारतको बैरगनिया बजारमा जाने गरेका छन ।

पक्राउ परेका पटेललाई हिरासतमा राखेर थप अनुसन्धान अघि बढाइएको जिल्ला प्रहरी कार्यालयका प्रवक्ता प्रहरी नायव उपरिक्षक भरत श्रेष्ठले जानकारी दिएका छन् ।