विवेकशील नेता उज्ज्वल थापाकाे निधनवारे अन्तिम सूचना

विवेकशील साझा पार्टीका नेता उज्ज्वल थापाको अन्तिम स्वास्थ्य अवस्था चिकित्सकहरुले घोषणा गरेका छन् । ललितपुर प्रहरी प्रमुख एसएसपी किरण बज्राचार्यलाई नख्खूको मेडिसिटी अस्पतालबाट उपचारमा सम्लग्न चिकित्सक डा.अनुराज बज्राचार्यले अहिले पाँच बजेर २९ मीनेट जाँदा उहाँको दुखद निधन भएको जानकारी दिनुभएको हो ।

थापालाई इक्मो टेक्नोलोजीबाट उपचार गराइएको थियो । भेन्टिलेटरले सास मात्रै चलाउने हो भने यो प्रविधिले मुटु,कलेजो,फोक्सोलगायत शरीरका सबै अङ्ग चलायमान गराउने बताइन्छ । याे एकदमै महङ्गो प्रविधि हो ।

देशको निम्ति आफ्नो क्षेत्रबाट सक्दो योगदान गर्दै आउनुभएका युवा नेता उज्ज्वलप्रति जनआस्था परिवारको तर्फबाट भावपूर्ण श्रध्दान्जलि,शोकाकूल परिवारजनमा हार्दिक समवेदना ।