रेड पाण्डा ( हाब्रे ) को छाला सहित एक पक्राउ
कैलालीमा लोपाेन्मुख प्राणीमा सुचिकृत हाब्रेको छाला तस्कर गर्ने एक युवा पक्राउ परेका छन् । गोदावरी नगरपालिका–५ गेटा सामुदायिक वनबाट १ थान रेड पाण्डाको छालासहित बझाङ बित्थड गाउँपालिका–५ देउलेखका २३ वर्षीय अमर धामी आज पक्राउ परेका हुन् ।
रेड पाण्डाको छाला बोकी लगेको भन्ने सूचानाको आधारमा संघीय प्रहरी ईकाई कार्यालय धनगढीबाट खटिएको प्रहरीले धामीलाई उक्त छाला सहित पक्राउ गरेको हो ।
धामीलाई आवश्यक कारवाहीका लागि इलाका प्रहरी कार्यालय मालाखेती कैलालीको जिम्मा लगाइएको उक्त कार्यालयले जनाएको छ ।
टिप्पणीहरू