राउटे युवतीमाथि याैन दुर्व्यवहार गर्ने तीन जना जेल चलान

अघिल्लो महिना राउटे युवतीमाथि याैन दुर्व्यवहार गर्ने तीन जनालाई पुर्पक्षका लागि कारागार चलान गरिएकाे छ । जिल्ला अदालत सुर्खेतले गुर्भाकोट नगरपालिकाका दोमनबहादुर घर्ती,भूपेन्द्र बुढा र होटल संचालक विनोद पुनलाई जेल पठाएकाे हाे ।

सुर्खेत जिल्ला अदालतका न्यायाधीश भीमप्रसाद सापकाेटाकाे एकल इजलासले आज कारागार चलान गरेकाे हो । राउटे समुदायका १९ र २३ वर्षकी युवतीलाई होटलमा लगेर मदिरा सेवन गराई यौन दुर्व्यवहार गरेपछि उनीहरूविरूद्ध मानव ओसारपसार, यौन दुर्व्यवहार र जबर्जस्ती करणीको मुद्दा दर्ता भएकाे थियाे ।

ती युवतीलाई युवाले मादक पदार्थ सेवन गराई होटलमा दुर्व्यवहार गरेको भिडियो गत जेठ २३ गतेदेखि सामाजिक सञ्जालमा सार्वजनिक भएपछि तीनै जनालाई प्रहरीले पक्राउ गरेकाे थियाे ।