चुच्चे नक्सा प्रयोगमा नल्याइएकोमा देवकोटाको आक्रोश,पाण्डे भन्छन् ‘दल विभाजित हुनु दुखद्’

राष्ट्रियसभा सदस्य डा.खिमलाल देवकोटाले सरकारका धेरै वेवसाइटहरूमा नेपालको पुरानो नक्सा नै रहेकाले सच्याउन अनुरोध गर्नुभएको छ ।

राष्ट्रियसभा सदस्यमा निर्वाचित भएपछि सोमबारको बैठकको विशेष समयमा पहिलो पल्ट बोल्दै देवकोटाले सरकारका धेरै निकायमा पुरानो नक्सा नै रहेकाले सच्याउनुपर्ने आवश्यकतातर्फ औंल्याउनुभएको हो । उहाँले सपथसम्बन्धी अध्यादेशबाट सरकारको संविधानप्रति विश्वास नभएको स्पष्ट देखिएको बताउनुभयो ।

अघिल्लो दिन गलत शपथ लिएकोमा भोलिपल्ट सच्याएर सपथ लिन लगाउनुपर्ने राष्ट्रपतिले सपथसम्बन्धी अध्यादेश जारी गरेर संविधान विपरित काम गरेको देवकोटाले टिप्पणी गर्नुभयो । उहाँले राष्ट्रपतिको उक्त कदमले संविधानको संरक्षण र सम्बर्धन हुन नसक्ने समेत बताउनुभएको छ ।

त्यस्तै राष्ट्रियसभा सदस्यमा निर्वाचित अर्का सदस्य दीर्घनारायण पाण्डेले राष्ट्रिय राजनीतिमा ठूला दल विभाजित भएको विषय गम्भीर रहेको बताउनुभएको छ ।