४६ करोड ठगीमा समातिए बैंकर इच्छाराज तामाङ्ग
नेपाल प्रहरीको केन्द्रीय अनुसन्धान ब्यूरो (सिआइबी) ले आज बेलुका बैंकर,ब्यवसायी तथा पूर्व एमाले सभासद इच्छाराज तामाङ्गलाई काठमाण्डौको सुन्धारा क्षेत्रबाट समातेको छ ।
विभिन्न ब्यक्ति वा सँस्थालाई घर वा शेयर दिन्छु भनी बटुलिएको ४६ करोड नतिरेको उजुरीका आधारमा उनी समातिएको ब्यूरो प्रमुख डिआइजी धिरजप्रताप सिंहले जनआस्थालाई बताए ।
तामाङ्गबिरुध्द थुप्रैको उजुरी परेको र यो क्रम जारी रहेकोसमेत थाहा हुन आएको छ । उनीसङ्ग लिनुपर्ने पैसा नपाउँदा र यसनिम्ति बर्षौँदेखि धाउँदा धाउँदै उजुरकर्तामध्येका ६ जनाको मृत्यु भैसकेको समेत बताइन्छ ।
तामाङ्ग सिभिल बैंकका अध्यक्ष हुन्,सिभिल होम्सलगायत थुप्रै कारोवारमा उनको लगानी रहेको छ ।
टिप्पणीहरू