द्वन्द्वग्रस्त अफगानिस्तानमा ४० वर्षदेखि चीनको धरोहर

मुलुक फेरि आन्तरिक राजनीतिक अस्थिरताको भुमरीमा परे पनि छिमेकी मित्रराष्ट्रले बनाइदिएको अस्पतालको कारण अफगान नागरिकले राहत महसुस गरेका छन् ।

चीनले चार दशकअघि बनाइदिएको अस्पताल अफगानिस्तानको यसअघिको गृहयुध्द र पछिल्लो तनावग्रस्त राजनीतिक अवस्थामा समेत सर्वसाधारण र बिरामीको निम्ति धरोहर बनेर उभिएको छ ।

४० वर्षअघि चीनले उपहारस्वरुप बनाइदिएको कान्दाहार प्रान्तस्थित मिरवाइज क्षेत्रीय अस्पतालले त्यहाँका जनतालाई आजसम्म अटुट सेवा र राहत दिएको हो ।

अफगानिस्तानका तत्कालीन राजा मिरवाइज खानको नाममा बनाइएको उक्त अस्पताललाई पस्तु भाषामा चिनायानो सफाखाना अर्थात चिनियाँ अस्पताल भन्ने गरिएको छ ।

अस्पतालमा शल्यक्रिया,मुटुरोग, न्युरोलोजी,चर्मरोग,स्त्रीरोग,प्रसुती र बाल रोग लगायतका विभाग तथा ६ सय २० बेड छन् । उक्त अस्पताल देशको दक्षिणी क्षेत्रका जनताको निम्ति प्रमुख स्वास्थ्य केन्द्र बन्दै आएको छ ।

तुलनात्मक रुपमा आधुनिक शल्य उपकरण र चिकित्सक रहेका कारण त्यहाँ कान्दाहार र छिमेकी प्रान्तहरुबाट समेत बिरामीहरु आउने गरेको सिन्ह्वाले जनाएको छ ।

भिडियो स्रोत : सिन्ह्वा