उमेर ढल्केकाले बेलैमा ध्यान पुर्याउनुपर्ने अमेरिकी विज्ञहरुको सल्लाह

अमेरिकामा गरिएको हालैको एक अध्ययनमा ५१ प्रतिशतभन्दा बढि वृद्धवृद्धाहरु सिँढी वा भर्याङ चढ्दा लड्ने गरेको पाइएको छ । अमेरिकामा हरेक वर्ष २० हजार जनाको सिँढी चढ्ने क्रममा मृत्यु हुने गरेको तथ्य पनि अध्ययनको क्रममा फेला परेको हो ।

त्यसैले विज्ञहरुले ६५ वर्ष उमेर कटिसकेकाहरुलाई सकेसम्म सिँढी नचढ्न, तीब्र गतिमा शरिर नघुमाउन, नझुक्न, उभिएर प्यान्ट वा सुरुवाल नलगाउन र गह्रौं वस्तुहरू उठाउँदा नझुक्ने सल्लाह दिएका छन् ।

यस्तै वृद्ध अवस्थामा पुगेपछि खाना खाँदा अड्किने (गला लाग्ने), गलत तकियाको प्रयोगले घाँटी दुख्ने, गोडामा ऐंठन हुने तथा हातगोडा झमझमाउने जस्ता चार थरिका सामान्य समस्याहरू देखिने समेत बताइएको छ ।यस्ता समस्याबाट बच्न केही उपायसमेत दिइएको छ । खाना अड्किने समस्या भएमा टाउकोमाथि हात उठाउन सुझाव दिइएको छ । यसो गर्दा घाँटीमा अड्किएको खाना आफँै तल जान्छ ।

गलत तकियाको प्रयोगबाट भएको घाँटीको दुखाई कम गर्न खुट्टा माथि उठाएर आफ्ना हातका औंलाहरू तान्दै घडीको सुई घुम्ने दिशामा वा विपरीत दिशामा मसाज गरेमा दुखाई कम हुनेछ ।

यसैगरि देब्रे खुट्टामा ऐंठन महशुस भएमा दाहिने हात माथि उठाउने र दाहिने गोडामा अप्ठेरो महशुस भएमा देब्रे हात माथि उठाएर कम गर्न सकिने उपाय बताइएको छ ।

बायाँ गोडा झमझमाएमा आफ्नो सबै शक्ति प्रयोग गरेर दाहिने हत्केला घुमाउन र दाहिने गोडा झमझमएको बेलामा बायाँ हत्केला घुमाउन पनि सल्लाह दिइएको छ ।