भाइको पार्थिव शरीरमा सम्मान व्यक्त गर्दै दाइले भने ‘जय जवान’
भारतीय सेनामा कार्यरत एक जवानले सेनामै कार्यरत आफ्ना भाइको निधनमा सम्मान व्यक्त गर्दै जय जवान भनेका छन् ।
गत साता तमिलनाडुमा भएको हेलिकोप्टर दुर्घटनामा सेनाका सीडीएस विपिन रावतसँगै ज्यान गुमाएका लेसनायक बी साइ तेजालाई अन्तिम श्रद्धाञ्जली व्यक्त गर्ने क्रममा दाजुले त्यसो भनेका हुन् ।
आन्ध्र प्रदेशको चिटोर जिल्लामा अन्तिम संस्कार गर्ने क्रममा तेजाको दाजु चैतन्यले भाइप्रति श्रद्धाको आँसु झार्दै जय जवान र भारत माताकी जय भनेका हुन् । चैतन्य पनि भारतीय सेनामा जवान छन् ।
एक जना जिउँदै
गत साता भएको हेलिकोप्टर दुर्घटनामा १३ जना मारिएका थिए । हेलिकोप्टर चालकको भने अझै अस्पतालमा उपचार भइरहेको छ ।
क्याप्टेन वरुण सिंहको कर्नाटकको राजधानी बैगलुरुस्थित कमाण्ड अस्पातलमा उपचार भइरहेको छ । उनको उपचारको अवस्था बुझ्न त्यहाँका स्वास्थ्य राज्यमन्त्री आरगा झनेन्द्र अस्पताल पुगेका छन् ।
चिकित्सकहरुले उनको अवस्था अझै खतरामुक्त नभइसकेको बताएका छन् । तर स्वास्थ्य अवस्था स्थीर रहेकाले आशावादी रहेको जानकारी दिइएको छ ।
टिप्पणीहरू