भ्रष्टाचारबारे निबन्ध प्रतियोगिता

अख्तियार दुरुपयोग अनुसन्धान आयोगले ३१औं स्थापना दिवसको अवसरमा राष्ट्रव्यापी निबन्ध लेखनको आयोजना गरेको छ ।

आयोगले आगामी माघ २८ गते आयोगको ३१औं स्थापना दिवसको अवसरमा ‘भ्रष्टाचार नियन्त्रण र सुशासन प्रवद्र्धन’ विषयक निबन्ध लेखन प्रतियोगिता आयोजना गरेको हो ।

निबन्ध लेखन प्रतियोगिता आयोग मातहतका सातवटा कार्यलयहरूमार्फत् हुने जनाइएको छ । प्रतियोगितामा ९ देखि कक्षा १२ सम्म अध्ययनरत विद्यार्थीहरु सहभागी हुन सक्ने छन् ।

प्रथम, द्वितीय र तृतीय हुनेलाई आयोगको स्थापना दिवसको दिन काठमाडौं आयोजना गरिने कार्यक्रममा पुरस्कृत गरिने छ । सहभागी हुन इच्छुक विद्यार्थीले पुस ३० गतेसम्म निबन्ध सम्बन्धित कार्यालयमा पठाउनुपर्ने छ ।