मुगुमा सबै यातायात अवरुद्ध

मुगुमा हिमपातले जनजीवन प्रभावित भएको छ । हिजोदेखि परेको वर्षा र हिमपातले सडक र हवाई सेवा अवरुद्ध भएको छ ।लगातारको बाक्लो हिमपातले सडक र हवाई यातायात अवरुद्ध भएको बताइएको छ ।

हिमपातले हवाई सेवा अवरुद्ध भएपछि रारा विमानस्थलबाट नेपालगञ्ज जाने यात्रुहरु ताल्चा र रारा विमानस्थलका होटलमा भरिभराउ भएका छन् ।

पर्यटन व्यवसायी देवीकृष्ण रोकायाका अनुसार आज पनि दिनभर हिमपात भइरहेको छ । सबैभन्दा बढी मुगुम कार्मारोङ गाँउपालिका, खत्याड र रारा क्षेत्रका साथै रारा विमानस्थलमा बाक्लो हिमपात भइरहेको रोकायाले बताए । मुगुको तापक्रम माइनसमा झरेको छ ।