हिउँदे वर्षाको प्रभाव : आन्तरिक उडान रद्ध, अन्तर्राष्ट्रिय नियमित

पश्चिमी न्यूनचापीय वायुको प्रभावले हिजो रातिदेखि मुलुकभर परेको वर्षाका कारण आज अधिकांश उडान प्रभावित भएका छन् ।

मौसममा देखिएको खराबीका कारण भिजिबिलिटीमा कमी भएपछि आज आधाभन्दा बढी उडान रद्द भएको त्रिभुवन अन्तर्राष्ट्रिय विमानस्थल स्रोतले जनाएको छ ।

आज आन्तरिकतर्फ कुल ६५ वटा उडान तोकिएकोमा ३५ वटा रद्ध भएका छन् । त्यस्तै, वायु सेवा कम्पनीहरूले सूचना निकालेर मौसम खराबीका कारण बेलुका ४ बजेपछिका सबै रात्रिकालीन आन्तरिक उडानसमेत रद्ध भएको जानकारी गराएका छन् ।

आन्तरिक उडान प्रभावित भए पनि अन्तराष्ट्रियतर्फका उडान भने नियमित रहेको जनाइएको छ ।