निगमलाई कार्यकारी निर्देशक चाहियो

नेपाल आयल निगमले कार्यकारी निर्देशकका लागि  गरेको छ । तत्कालीन कार्यकारी निर्देशक सुरेन्द्र पौडेलले तीन वर्षे कार्यकाल पूरा गरी बाहिरिएसँगै निगमले सो पदका लागि विज्ञापन खुलाएको हो । कार्यकारी निर्देशक छनोट तथा सिफारिस समितिले आज सूचना जारी गर्दै आवेदन खुला गरेको हो । २०७५ सालमा कार्यकारी निर्देशकमा नियुक्त भएका थिए पौडेल २२ पुसमा निगमबाट बिदाइ भएका थिए ।

निगमको कार्यकारी निर्देशक हुन निगमको कार्यप्रकृतिसँग सम्बन्धित विषय वा प्रशासन, व्यवस्थापन, अर्थशास्त्र, इन्जिनियरिङ वा कानुन विषयमा कम्तीमा स्नातकोत्तर तह उत्तीर्ण गरेको र व्यवस्थापकीय जिम्मेवारीको पदमा कम्तिमा पाँच वर्षको अनुभव भएको हुनुपर्ने योग्यता तोकिएको छ ।

इच्छुक आवेदकले उद्योग, वाणिज्य तथा आपूर्ति मन्त्रालयको प्रशासन तथा संस्थान महाशाखामा पाँच हजार रुपैयाँसहित २१ दिनभित्र दरखास्त दिन सक्ने बताइएको छ ।