भन्सार छलेका अवैध सामाग्रीसहित ४ जना प्रहरी फन्दामा

प्रहरीले अवैध रुपमा भन्सार छलेर ल्याएको सुन, मोबाइल तथा ल्यापटपसहित चार जनालाई नियन्त्रणमा लिएको छ । आज त्रिभुवन अन्तर्राष्ट्रिय विमानस्थलको आगमन पार्किङ एरियाबाट प्रहरीले उनीहरुलाई नियन्त्रणमा लिएको हो ।

पक्राउ पर्नेमा मोरङ मिक्लाजुङ गाउँपालिका ८ का ३० वर्षीय पदमबहादुर अधिकारी, सोही गाउँपालिकाका ३० वर्षीय मानसिंह विश्वकर्मा र झापा शिवसताक्षी नगरपालिका ९ का २२ वर्षीय समिर रसाइली र मकवानपुर हेटौंडा उपमहानगरपालिका १९ का ३२ वर्षीय गोकुल डल्लाकोटी हुन् ।

जजिरा एयरको उडानमा दुबईबाट कुवेत हुँदै काठमाडौं आएका पदमको साथबाट ५८ ग्राम तौल बराबरको १ थान सुनको सिक्री, ३ थान मोबाइल र १ थान ल्यापटप फेला परेको हो । मान सिंहको साथबाट ५८ ग्राम तौल बराबरको १ थान सुनको सिक्री, ३ थान मोबाइल र १ थान ल्यापटप प्रहरीले फेला परेको थियो ।

यस्तै समिरको साथबाट ५८ ग्राम तौल बराबरको १ थान सुनको सिक्री, ३ थान मोबाइल र १ थान ल्यापटप फेला पारेको प्रहरीले जनाएको छ । उनीहरूलाई बरामद गरिएको सामासहित आवश्यक अनुसन्धान एवम् कारबाहीको लागि त्रिभुवन विमानस्थल भन्सार कार्यालय गौचरमा बुझाइएको प्रहरीले जनाएको छ ।