बाँसको भाटाले हानेर ज्येष्ठ नागरिकको हत्या

सिन्धुपाल्चोकको माथिल्लो चिम्लिङमा बाँसको भाटाले हानेर दुई जनाको हत्या भएको छ । हिजो साँझ रक्सीले मातेका एक व्यक्तिले भाँटा र ढुंगाले अन्धाधुन्द प्रहार गर्दा दुई बृध्दको ज्यान गएको हो ।

मारिनेमा बलेफी गाउँपालिका–७ का ७० वर्षीया बासुमाया तामाङ र ५९ वर्षीय सन्तवीर तामाङ छन् । सोही गाउँका विजय तामाङले रक्सी खाएर ढुङगा र बाँसको भाटा प्रहार गरी स्थानीयवासी बासुमाया र सन्तवीरको हत्या गरेको जिल्ला प्रहरी कार्यालय सिन्धुपाल्चोकले जनाएको छ ।

प्रहरीले आरोपी विजयलाई नियन्त्रणमा लिई थप अनुसन्धान गरिरहेको जनाएको छ ।