चिनियाँ सेनाका कारण आफ्नो विमान बालबाल जोगिएको अष्ट्रेलियाको दाबी

अष्ट्रेलियाले चिनियाँ जल सेनाका कारण आफ्नो उडिरहेको एउटा विमान झण्डै दुर्घटनामा परेको आरोप लगाएको छ । त्यहाँको रक्षा विभागका अनुसार चिनियाँ जल सेनाको एउटा जहाजले निगरानी गर्ने क्रममा अष्ट्रेलियाको उडिरहेको विमानमा लेजर प्रकाश देखाएको थियो ।

‘त्यसरी लेजर देखाउँदा चालक दलको ज्यान जोखिममा परेको थियो,’अष्ट्रेलियाले दाबी गरेको छ । यो घटना गत बिहीबार भएको हो । जसमा उडिरहेको पोसेडोन विमानलाई लेजर प्रकाशले अप्ठेरो पारिएको अस्ट्रेलियाको दाबी छ ।

यसबारे चिनियाँ पक्षले हालसम्म केही बताएको छैन ।