बलात्कारको जाहेरी दिएकी समीक्षाले गरिन् मेडिकल चेकअप

अभिनेता पल शाहविरुद्ध जबरजस्ती करणीसम्बन्धी कसूरमा किटानी जाहेरी दर्ता गराएकी गायिका समीक्षा अधिकारीले मेडिकल चेकअप गरेकी छन् ।

अधिकारीले शाहविरुद्ध जिल्ला प्रहरी कार्यालय तनहुँमा किटानी जाहेरी दिएलगत्तै मेडिकल चेकअप गरेकी हुन् । एउटा म्युजिक भिडियोको सुटिङका क्रममा तनहुँ गएका बेला शाहले फकाएर आफूमाथि करणी गरेको उनको आरोप छ ।

यतिखेर उनीहरु दुवै जना बसेर कुराकानी गरेको एउटा अडिओ सामाजिक सञ्जालमा भाइरल समेत भएको छ । जसमा पलले आफूहरूबीच शारिरिक सम्बन्ध कायम भएको स्वीकारेका छन् ।