‘लर्निङ एण्ड अर्निङ’ का लागि विद्यालय छानियो

शिक्षा तथा मानव स्रोत विकास केन्द्रले ‘लर्निङ एण्ड अर्निङ’ कार्यक्रमका लागि एकसय ४० विद्यालयको नाम सार्वजनिक गरेको छ । राष्ट्रपति शैक्षिक सुधार कार्यक्रमअन्तर्गत ‘पढ्दै कमाउँदै’ कार्यक्रमका लागि एक सय ४० विद्यालय छनोट गरिएको हो ।

शिक्षा मन्त्रालयले मुलुकभरका स्थानीय तहमार्फत् सामुदायिक विद्यालयसँग प्रस्ताव मागेपछि चैत ८ गते बसेको निर्देशक समितिको बैठकले ती विद्यालयको नाम छनोट गरेको हो ।

छनोट भएका विद्यालयलाई सरकारले अनुदान रकम दिनेछ । सोही अनुदान रकमका आधारमा विद्यार्थीलाई पढ्दै, कमाउँदै अभियानमा सामेल गराइनेछ ।

प्राविधिक विधामा अध्ययन गर्ने कक्षा १२ सम्मका विद्यार्थीलाई लक्षित गर्दै सरकारले पढ्दै कमाउँदै कार्यक्रम लागू गर्ने गरी कार्यविधि बनाएको छ ।