चोरेर नेपाल भित्र्याइएका सात बुलेट भन्सार पठाइए

भारतीय नाकाबाट भन्सार छलेर नेपाल भित्र्याईएका सात मोटरसाइकल त्रिभुवन विमानस्थलस्थित भन्सार कार्यालय पठाईएको छ । बेवारिसे अवस्थामा भेटिएका ती मोटरसाइकललाई आज विमानस्थल भन्सार कार्यालय गौचरण पठाईएको हो ।

मोटरसाइकल चोरी पैठारी गरी नेपालमा भित्र्याईएको र नक्कली नम्बर प्लेट राखेर कारोबार गर्ने गरेको भन्ने सूचनाका आधारमा उपत्यकाका बिभिन्न स्थानबाट २१ लाख बराबरको रोयल ईन्फिल्ड कम्पनीका बुलेट मोटरसाइकलहरु बरामद भएका थिए ।

ती मोटरसाइकल महानगरीय प्रहरी अपराध महाशाखाको टोलीले नियन्त्रणमा लिएको हो । बरामद भएका मोटरसाइकलहरुमा सु.प.प्र ०१–००९ प २०५०, से.७ प.८४८९, प्र.०१–०४९ प ३३२६, बा.४९ प ९३२२, बा.प्र.०२–०२३–२४७४, सु.प्र.प्र.०१–००९प.५१६६ र सु.प.प्र.०१–००८ प.५५९ नम्बरका रहेका छन् ।