तीब्र गतिको माइक्रोबसले ट्रक र कारलाई ठक्कर दियो

धादिङमा भएको सडक दुर्घटनामा डेढ दर्जन यात्रु घाइते भएका छन् । तीमध्ये चार जनाको अवस्था गम्भीर भएकाले उनीहरुलाई काठमाडौं ल्याइएको छ । पृथ्वी राजमार्गमा एउटा माइक्रोबसले कार र ट्रकलाई ठक्कर दिँदा माइक्रोबसका सबै यात्रु घाइते भएका हुन् ।

पोखरावाट काठमाडौं आउदै गरेको बा.४ ख २७०४ नम्बरको माइक्रोबसले विपरित दिशातर्फबाट जाँदै गरेको कार र ट्रकलाई ठक्कर दिएको बताइन्छ । चार जना बाहेक अन्य घाइतेहरुको स्थानीय अस्पतालमा उपचार भइरहेको प्रहरीले जनाएको छ ।