मगर गाउँमा भोट माग्न गएका धनबहादुर बिते

प्युठानमा स्थानीय निर्वाचनमा उठेका उम्मेदवारहरुसँगै भोट माग्न गएका एक जनाको मृत्यु भएको छ । नौबहिनी गाउँपालिका–२, लिघामा भीरबाट लडेर ५६ वर्षे धनबहादुर थापामगरको ज्यान गएको हो ।

इलाका प्रहरी कार्यालय बाहनेकाअनुसार सत्ताधार पाँच दलीय गठबन्धनका टोलीसँगै मगर गाउँमा भोट माग्न गएका उनको फर्कंदा लडेर निधन भएको हो ।

टोली मगरगाउँमा घरदैलो गरेर फर्कंदै थियो । घटनाको थप अनुसन्धान थालिएको प्रहरीले जनाएको छ ।