जजिराको विमान भैरहवामा राति पौने २ बजे अवतरण गर्ने

गौतमबुद्ध अन्तर्राष्ट्रिय विमानस्थलमा पहिलो अन्तर्राष्ट्रिय उडान गर्न लागेको जजिरा एअरवेजको पहिलो उडान बैशाख २ गते राति पौने २ बजे अवतरण गर्ने भएको छ । आज जारी उक्त कम्पनीको उडान तालिकाअनुसार कुवेतसिटीबाट साँझ साढे ६ बजे उडेको विमान राति पौने २ बजे भैरहवामा अवतरण गर्नेछ ।

जहाज सोही दिन बिहान साढे ३ बजे कुवेतका लागि प्रस्थान गर्नेछ । जजिराले साताको आइतबार, मङ्गलबार, बिहीबार कुवेतबाट भैरहवाको लागि उडान गर्नेछ । यताबाट सोमबार, बुधबार र शुक्रबार बिहान साढे ३ बजे फर्कने छ ।